அதிமுக செயலாளர் அன்பழகன் பிறந்தநாளையொட்டி மணக்குள விநாயகர் ஆலயத்தில் அதிமுகவினர் தங்க தேர் இழுத்து சிறப்பு வழிபாடு செய்தனர்.
புதுச்சேரி மாநில அதிமுக செயலாளர் அன்பழகன் பிறந்தநாள் விழா இன்று கொண்டாடப்பட்டது. தனது பிறந்தநாளையொட்டி, அதிமுக பொதுச் செயலாளர், சட்ட மன்ற எதிர்க்கட்சி தலைவர், தமிழ்நாடு முன்னாள் முதலமைச்சர் எடப்பாடியாரை சேலம் நெடுஞ்சாலை நகரில் உள்ள அவரது இல்லத்தில் நேரில் சந்தித்து பூங்கொத்து வழங்கி அன்பழகன் வாழ்த்து பெற்றார்.தொடர்ந்து இன்று காலை குடும்பத்தினருடன் கேக் வெட்டி கொண்டாடினார். தொடர்ந்து தனது தாயார் கமலம்மாள் அவரிடம் ஆசி பெற்று,குடும்பத்தினருடன் கேக் வெட்டி கொண்டாடினார்.
அதனை தொடர்ந்து மாநில அவைத் தலைவர் அன்பானந்தம் தலைமையில், மாநில பொருளாளர்
ரவிபாண்டுரங்கன் ஏற்ப்பாட்டில், முன்னாள் எம்எல்ஏ பாஸ்கர் முன்னிலையில் ஸ்ரீ மணக்குள விநாயகர் ஆலயத்தில் அதிமுகவினர் தங்க தேர் இழுத்து பக்தர்களுக்கு அன்னதானம் வழங்கினர்.மேலும் இருதய ஆண்டவர் ஆலயத்தில் சிறப்பு பிரார்த்தனையும், முல்லா வீதியில் உள்ள தர்காவில் சிறப்பு தொழுகையும், கௌசிக பாலசுப்பிரமணிய திருக்கோயிலில் பூஜையும் செய்தனர்.
அதனை தொடர்ந்து மாநில செயலாளர் அன்பழகன் இல்லத்தில் ஆயிரத்திற்கும் மேற்பட்ட பெண்களுக்கு புடவை உள்ளிட்ட நலத்திட்ட உதவிகள் வழங்கினார்.அதிமுக மாநில செயலாளர் அன்பழகன் பிறந்தநாளையொட்டி முதலமைச்சர் ரங்கசாமி, அமைச்சர்கள், சட்டமன்ற உறுப்பினர்கள், தொழிலதிபர்கள், அதிகாரிகள் ஆகியோர் வாழ்த்து தெரிவித்தனர்.
No comments