முதியவர் மீது இருசக்கர வாகனம் மோதி விபத்து சம்பவ இடத்திலேயே முதியவர் பலி.

கோவில்பட்டி அருகே முதியவர் மீது இருசக்கர வாகனம்  மோதி விபத்து சம்பவ இடத்திலேயே முதியவர் பலி சைக்கிளில் சென்று கொண்டு இருந்த முதியவர் மீது இருசக்கர வாகனம்  மோதி விபத்து சம்பவ இடத்திலேயே முதியவர் பலி - போலீசார் வழக்கு பதிவு செய்து விசாரணை.

விருதுநகர் மாவட்டம் வெம்பக்கோட்டை இலங்கை அகதிகள் முகமை சார்ந்தவர் ரவி, பிரபு ஆகிய இருவரும் தனது நான்கு வயது மகனுடன் தூத்துக்குடி மாவட்டம் கோவில்பட்டியில் மீன் வியாபாரத்தை முடித்துவிட்டு வெம்பக்கோட்டை இலங்கை அகதிகள் முகாமிற்கு சென்று கொண்டிருந்தனர்.

அப்பொழுது  வேம்பார் - பருவக்குடி சாலையில் உள்ள  புதூர் லட்சுமிபுரம் பகுதியில் சைக்கிளில் சென்று கொண்டிருந்த முதியவர் இருளப்பன் மீது பைக்  மோதியது. 

இதில் தூக்கி வீசப்பட்ட இருளப்பன் சம்பவ இடத்திலேயே பலியானார். மேலும் இருசக்கர வாகனத்தில் சென்ற ரவி பிரபு மற்றும் சிறுவன் கதிர்வேல் ஆகியோர் படுகாயம் அடைந்தனர் காயம் அடைந்தவர்களை  108 ஆம்புலன்ஸ் மூலம்  கோவில்பட்டி அரசு தலைமை மருத்துவமனைக்கு அனுப்பி வைத்தனர்.

சம்பவ இடத்திற்கு  வந்த போலீசார்  இருளப்பனின் உடலை கைப்பற்றி உடற்கூறு ஆய்வுக்காக கோவில்பட்டி அரசு தலைமை மருத்துவமனைக்கு அனுப்பி வைத்தனர் இச்சம்பவம் தொடர்பாக கோவில்பட்டி மேற்கு காவல் நிலைய போலீசார் வழக்கு பதிவு செய்து விசாரணை மேற்கொண்டு வருகின்றனர்.